Afrinagan-i Gahambar

Based on edition of Karl F. Geldner, Avesta, the Sacred Books of the Parsis, Stuttgart, 1896.

Last updated JHP, May 3, 2021.


1.
ýathâ ahû vairyô...(4).
ashem vohû...(3).
fravarâne mazdayasnô zarathushtrish vîdaêvô ahura-tkaêshô,

(Here recite the appropriate Gah dedication.)

rathwãm ayaranãmca asnyanãmca mâhyanãmca ýâiryanãmca saredhanãmca ýasnâica vahmâica xshnaothrâica frasastayaêca
rathwô berezatô ýô ashahe rathwãm ayaranãmca asnyanãmca mâhyanãmca ýâiryanãmca saredhanãmca rathwãm vîspe-mazishtanãm ýôi heñti ashahe ratavô hâvanîm paiti ratûm.
2. (ci gahañbâr bêt,)
maidhyôi-zaremayehe rathwô maidhyôishemahe rathwô paitishhahyehe rathwô ayâthrimahe rathwô maidhyâiryehe rathwô hamaspathmaêdayehe rathwô
xshnaothra ýasnâica vahmâica xshnaothrâica frasastayaêca,
ýathâ ahû vairyô zaotâ frâ-mê mrûtê,
athâ ratush ashâtcît haca frâ ashava vîdhvå mraotû!
3.
dâtâca aête mazdayasna aêtem ratûmca myazdemca ýim maidhyôizaremaêm pasêush garebush ýôishtahe frâ-uruzda-payanghô ýezi tat ýayata navât tat ýayata,
4.
hurayåscit adha aêtavatô daidyat â-dit franghârayat sraoshât dãhishta arsh-vacastema ashem ashavastema xshathrem huxshathrôtema anazavaxtema vouru-rafnôstema marzhdikavastema thrâyô- drikhutema sashushtema ashahe berejô stryô mayå pâreñdîsh upavâzô ýezi tat ýayata navât tat ýayata,
5.
aêsmanãmcit âat hushatãm pairîshtanãm vazyâish stâishca staoyêbîsh ratêush nmânem frânâshayata ýezi tat ýayata navât tat ýayata, aêsmanãmcit âat hushatãm pairîshtanãm â-gaoshô-masêbîsh ãxmô-frânô-masêbîsh zastô- frânô-masêbîsh ratêush nmânem frânâshayata ýezi tûtava navât tûtava,
6.
huxshathrôtemâicit at xshathrem cîshyât ýat ahurâi mazdâi, huxshathrôtemâi bâat xshathrem ahmat hyat aibî dademahicâ cîshmahicâ hvãnmahicâ hyat mazdâi ahurâi ashâicâ vahishtâi, dâtô hê myazdô ratufrîsh!
7.
pañcâca cathwaresatemca maidhyôi-zaremayehe ashahe vahishtahe dathushô, disyât hê anghe avat mizhdem parô-asnâi anguhe ýatha aêtahmi anghvô ýat astvaiñti hazangrem maêshinãm daênunãm paiti-puthranãm narãm ashaonãm ashaya vanghuya urune para-daithyât aêvahe hâtãm cinmânahe ýat ashahe vahishtahe.
paoiryeheca-nâ myazdahe adhâiti spitama zarathushtra ýat maidhyôi-zaremayehe myazdavå ratush amyazdavanem ratunaêm ayasnîm daste añtare mazdayasnâish.
8.
xshvashtîm maidhyôi-shemahe tishtryehe dathushô, disyât hê anghe avat mizhdem parô-asnâi anguhe ýatha aêtahmi anghvô ýat astvaiñti hazangrem gavãm daênunãm paiti-puthranãm narãm ashaonãm ashaya vanghuya urune para-daithyât aêvahe hâtãm cinmânahe ýat ashahe vahishtahe.
bityeheca-nâ myazdahe adhâiti spitama zarathushtra ýat maidhyôi-shemahe myazdavå ratush amyazdavanem ratunaêm avacô-urvaitîm daste añtare mazdayasnâish.
9.
pañcâca haptâitîm paitishhahyehe xshathrahe vairyehe anakhranãm, disyât hê anghe avat mizhdem parô-asnâi anguhe ýatha aêtahmi anghvô ýat astvaiñti hazangrem aspanãm daênunãm paiti-puthranãm narãm ashaonãm ashaya vanghuya urune para-daithyât aêvahe hâtãm cinmânahe ýat ashahe vahishtahe.
thrityeheca-nâ myazdahe adhâiti spitama zarathushtra ýat paitishhahyehe myazdavå ratush amyazdavanem ratunaêm garemô-varanghem daste añtare mazdayasnâish.
10.
thrisatem ayâthrimahe mithrahe anakhranãm, disyât hê anghe avat mizhdem parô-asnâi anguhe ýatha aêtahmi anghvô ýat astvaiñti hazangrem ushtranãm daênunãm paiti-puthranãm narãm ashaonãm ashaya vanghuya urune para-daithyât aêvahe hâtãm cinmânahe ýat ashahe vahishtahe.
tûiryeheca-nâ myazdahe adhâiti spitama zarathushtra ýat ayâthrimahe myazdavå ratush amyazdavanem ratunaêm vâremnem staorem fraperenaoiti añtare mazdayasnâish.
11.
ashtâitîm maidhyâiryehe dathushô verethrakhnahe, disyât hê anghe avat mizhdem parô-asnâi anguhe ýatha aêtahmi anghvô ýat astvaiñti hazangrem kanghåscit vãthwanãm narãm ashaonãm ashaya vanghuya urune para-daithyât aêvahe hâtãm cinmânahe ýat ashahe vahishtahe.
puxdhaheca-nâ myazdahe adhâiti spitama zarathushtra ýat maidhyâiryehe myazdavå ratush amyazdavanem ratunaêm ýâtem gaêthanãm fraperenaoiti añtare mazdayasnâish.
12.
pañcâca haptâitîm hamaspathmaêdayehe vahishtôishtôish gâthayå, disyât hê anghe avat mizhdem parô-asnâi anguhe ýatha aêtahmi anghavô ýat astvaiñti vîspa tarshuca xshudraca masanaca vanghanaca srayanaca narãm ashaonãm ashaya vanghuya urune para-daithyât aêvahe hâtãm cinmânahe ýat ashahe vahishtahe.
xshtvaheca-nâ myazdahe adhâiti spitama zarathushtra ýat hamaspathmaêdayehe myazdavå ratush amyazdavanem ratunaêm âhûirîm tkaêshem fraperenaoiti añtare mazdayasnâish.
13.
avaêzô-dem pascaêta fraca xraosyôit fraca syazjayôit avaêzô-dem pascaêta nârshni shyaothna aiwi- daithîta ratush ratunaêm atha ratunayô ratûm.
ashem vohû...(3).
14. (râspî,)
ahurahe mazdå raêvatô hvarenanguhatô
(zôt u râspî,)
âfrînâmi xshathrayâne dainghu-paiti uparâi amâi uparâi verethrâi uparâi xshathrâi xshathremca paiti-astîmca darekhô-xshathrem xshathrahe darekhô-jîtîm ushtânahe drvatâtem tanubyô,
15.
amem hutashtem huraodhem verethrakhnem ahuradhâtem vanaiñtîmca uparatâtem pouru-spaxshtîm tbishyañtãm paiti-jaitîm dushmainyunãm hathrânivâitîm hamerethanãm aurvathanãm tbishyañtãm.
16.
âfrînâmi vavanvå vanat-peshene buye vîspem aurvathem tbishyañtem vîspem akhem tbishyañtem arathwyô-mananghem arathwyô-vacanghem arathwyô-shyaothnem.
17.
vavane buye rathwya manangha rathwya vacangha rathwya shyaothna nijane buye vîspe dushmainyû vîspe daêvayasnê zaze buye vanghâuca mizhde vanghâuca sravahe urunaêca darekhe havanghe.
18.
âfrînâmi, darekhem jva ushta jva avanghe narãm ashaonãm ãzanghe duzhvarshtâvarezãm vahishtem ahûm ashaonãm raocanghem vîspô-hvâthrem,
atha jamyât ýatha âfrînâmi.
>> humatanãm hûxtanãm hvarshtanãm yadacâ anyadacâ verezyamnanãmcâ vâverezananãmcâ mahî aibî-jaretârô naênaêstârô ýathanâ vohunãm mahî << (2).
ýathâ ahû vairyô....
ashem vohû...!
19.
ýathâ ahû vairyô...(2).
ýasnemca vahmemca aojasca zavareca âfrînâmi
rathwãm ayaranãmca asnyanãmca mâhyanãmca ýâiryanãmca saredhanãmca ýasnâica vahmâica xshnaothrâica frasastayaêca
rathwô berezatô ýô ashahe rathwãm ayaranãmca asnyanãmca mâhyanãmca ýâiryanãmca saredhanãmca rathwãm vîspe-mazishtanãm ýôi heñti ashahe ratavô hâvanîm paiti ratûm.
(ci gahañbâr bêt,)
maidhyôi-zaremayehe rathwô maidhyôishemahe rathwô paitishhahyehe rathwô ayâthrimahe rathwô maidhyâiryehe rathwô hamaspathmaêdayehe rathwô.
ashem vohû....
atha jamyât ýatha âfrînâmi.
>> humatanãm hûxtanãm hvarshtanãm yadacâ anyadacâ verezyamnanãmcâ vâverezananãmcâ mahî aibî-jaretârô naênaêstârô ýathanâ vohunãm mahî <<.
ýathâ ahû vairyô...(21).
ashem vohû...(12).
ahmâi raêshca ... hazangrem ... (kerba mazhd) ... ashem vohû...!!