Afrinagan-i Rapithwin
Based on edition of Karl F. Geldner, Avesta, the Sacred
Books of the Parsis, Stuttgart, 1896.
- 1.
- ýathâ ahû vairyô...(12).
ashem vohû...(3).
fravarâne mazdayasnô zarathushtrish vîdaêvô
ahura-tkaêshô
rapithwinâi ashaone ashahe rathwe ýasnâica
vahmâica xshnaothrâica frasastayaêca
frâdat-fshave zañtumâica ashaone ashahe rathwe
ýasnâica vahmâica xshnaothrâica frasastayaêca.
- 2.
- ahurahe mazdå raêvatô hvarenanguhatô
ameshanãm speñtanãm ashahe vahishtahe âthrasca
ahurahe mazdå puthra vîspaêshãm ýazatanãm
ashaonãm mainyavanãm gaêthyanãm, ashâunãm
fravashinãm ukhranãm aiwithûranãm paoiryô-tkaêshanãm
fravashinãm nabânazdishtanãm fravashinãm
xshnaothra ýasnâica vahmâica xshnaothrâica
frasastayaêca.
- (zôt,)
- ýathâ ahû vairyô zaotâ frâ-mê
mrûtê,
athâ ratush ashâtcît haca frâ ashava vîdhvå
mraotû!
- 3.
- atha-zî mraot ahurô mazdå spitamâi
zarathushtrâi rapithwinahe rathwô uxdhem vacô,
peresaca-nå ashâum zarathushtra ýâ tê
ahmâi parshta parshtem zî thwâ ýathanâ
tat amavañtãm ýat thwâ xshayãs
aêshem dayât amavañtem.
- 4.
- peresat zarathushtrô ahurem mazdãm, ahura mazda
mainyô spênishta dâtare gaêthanãm
astvaitinãm ashâum cvat hô-nâ anghuyâite
cvat hô-nâ ashayeiti cvat ahmâi naire mizhdem
anghat
- 5.
- ýô rapithwinahe ratufrita rapithwinem ratûm
framarâite rapithwinem ratûm frâyazâite
frasnâtaêibya zastaêibya frasnâtaêibya
hâvanaêibya frasteretât paiti baresmen uzdâtât
paiti haomât raociñtât paiti âthrât
srâvayamnât paiti ahunât vairyât haomô-angharshtahe
hizvô mãthrô-hitahe tanvô.
- 6.
- paiti-shê aoxta ahurô mazdå, ýatha
vâtô rapithwenatarât naêmât spitama
zarathushtra vîspem ahûm astvañtem frâdhatica
varedhatica saoshyañtica aiwica ashâite jâmayâiti
avat hô-nâ anghuyete avat ahmâi naire mizhdem
anghat
- 7.
- ýô rapithwinahe ratufrita rapithwinem ratûm
framarâite rapithwinem ratûm frâyazâite
frasnâtaêibya zastaêibya frasnâtaêibya
hâvanaêibya frasteretât paiti baresmen uzdâtât
paiti haomât raociñtât paiti âthrât
srâvayamnât paiti ahunât vairyât haomô-angharshtahe
hizvô mãthrô-hitahe tanvô.
- 8.
- fravaocat ahurô mazdå spitamâi zarathushtrâi
rapithwinahe rathwô uxdhem vacô.
ashem vohû...(3).
- 9. (râspî,)
- ahurahe mazdå raêvatô hvarenanguhatô
- (zôt u râspî,)
- âfrînâmi ... ashem vohû...!
- 10.
- ýathâ ahû vairyô...(2).
ýasnemca vahmemca aojasca zavareca âfrînâmi
ahurahe mazdå raêvatô hvarenanguhatô ameshanãm
speñtanãm ashahe vahishtahe âthrasca ahurahe
mazdå puthra vîspaêshãm ýazatanãm
ashaonãm mainyavanãm gaêthyanãm, ashâunãm
fravashinãm ukhranãm aiwithûranãm paoiryô-tkaêshanãm
fravashinãm nabânazdishtanãm fravashinãm.
ashem vohû....
atha jamyât ... ashem vohû...!!!!
!-----!
---!
Go to [Avesta -- Zoroastrian Archives
| Khorda Avesta: Contents
| Afrinagan-i Rapithwin
| English]